wulh hay’ tu 15 century mukws thu musteyuxw ni’ shushumentul nem’ u kwthu xews tumuxw. stl’i’ kws thuyt tu xews lelums. xwu tse’ tu xews tumuxw america.Huy ch q’u kwun’s ni’ lhel’sh kwthu nilh ts’twa’ ‘un’ sul’uthut. huy ch q’u ‘u tthun’ shqwaluwun, ni’ ch q’ushintul’ ‘u tthu nuts’u’maat shqwaluwuns. Ni’ kwoonstalum ‘u tthu syaays ‘u tun’a’ kweyul m’i ts’ewut kw’un’s siiyey’us.aa si’em wathutun qulet huy’ tseep qu’ kwus ni’ ‘un’ syaay’s ulup ‘u tun’a xwune’unt mi’ tseep ‘uw’ q’ushintul nuts’amat ‘un’ shqwaluwun. ni’ huli’shuqun tthu sxeem’s ts’ewut tthu syaays’ hun’umustuhw ‘u tun’a hwune’unt huy’ tseep ewulh.aa si’em wa’thutun, nan tsun ‘uw’ ts’uyulhnamut-stuhw tthu swe’ syaays. ts’iilhnamut kwus ‘uw’ ‘aayum ‘ul’ tthun’ shqwaluwun ‘ulup. ni’ tseep ‘uw’ ‘a’lh-stuhw ‘i’ waw’u ni’ ts’iilhnamut tthu swe’ ‘utl’ tthey’ sxeem’. ‘i’ ni’ tseep ‘i’ salh-stuhw us ‘u hwune’unt. s-nan ‘uw’ ts’iitalu, nan ‘uw’ thimat, hwutus syaays tun’i ‘un’ sme’um ‘i’ ni’ tseep ‘uw’ kw’am’kw’um’ tthun’ shqwaluwun. hay tseep ‘ewulh. huy’ kwu’elh tthu lhwulup ni’ hwiyuneem’stam, yuwen’yuhw tse’ kw’unus ts’uyulhnamut-stuhw swe’ shqaluwun nu’ sul’silu,shhw’um’ne’luqw,shhw’a’luqw’a’ ‘u tthu syaays ‘u tun’a’ kweyul. hay’ tseep qa’ si’em nuts xwulmuxw ‘i’ kwuns mi te’tsulnamut, nilh uhw almutst swe’ syaays ‘u tun’a’kweyul. yath tseep ‘nuw’ ts’e’tsuwut muwks tthu siiye’yu’s, uwu kwes nulup tsiws tun shqwalwun ulup huy tseep qa’ siiem nuts xwulmuxw.
ta’alt’ u thu show
